གཟའ་མཇུག་གི་འཆད་ཁྲིད་ལས་རིམ་འདི་གཟའ་པ་སངས་ཞོགས་པ་ནས་གཟའ་ཉི་མའི་ཉིན་གོང་བར་དུ་བཀོད་སྒྲིག་བྱས་ཡོད་ཅིང་། འཆད་ཁྲིད་མཉམ་ཞུགས་བྱེད་མཁན་གྱི་དུས་གནས་(time zone)ལ་དམིགས་ཏེ་ང་ཚོས་ཁོང་ཚོར་འཚམ་པའི་འཆད་ཁྲིད་དུས་ཚོད་བཀོད་སྒྲིག་བྱེད་རྒྱུ་ཡིན། དེ་མིན་ཡུ་རོབ་དང་ཨེ་ཤེ་ཡ་གླིང་གི་ཁོངས་སུ་གཏོགས་པ་རྣམས་ལའང་དམིགས་ཏེ། ང་ཚོས་ཁོང་ཚོའི་དུས་ཚོད་དང་མཐུན་པའི་འཛིན་གྲྭ་བཀོད་སྒྲིག་བྱ་ངེས་ཡིན། གནས་ཚུལ་ཞིབ་ཕྲ་རྒྱུས་ལོན་འདོད་ན་ངེད་ཅག་ལ་འབྲེལ་བ་གནང་རོགས་འཚལ།

ཉིན་དང་པོའི་འཆད་ཁྲིད་ཀྱི་བརྗོད་བྱ།

དེང་རབས་རྒྱ་ནག་གི་ཁྲིམས་ལུགས་སྒྲོམ་གཞི་དང་། རྩ་ཁྲིམས། མི་རིགས་རང་སྐྱོང་དང་འཛིན་སྐྱོང་སྐོར་གྱི་ཁྲིམས་ལུགས་ཤེས་བྱ་སོགས། 

ཉིན་གཉིས་པའི་འཆད་ཁྲིད་ཀྱི་བརྗོད་བྱ།

རྒྱ་ནག་གི་ཉེས་ཁྲིམས་དང་། དམངས་དོན་ཚོང་དོན་ཁྲིམས་ལུགས་ཀྱི་སྒྲོམ་གཞི། དམངས་དོན་དང་ཉེས་དོན་གཏུག་བཤེར་གྱི་ཁྲིམས་ལུགས་དང་། འཛིན་སྐྱོང་གཏུག་བཤེར་ཁྲིམས་ལུགས་བཅས་ཀྱི་ཤེས་བྱ། 

ཉིན་གསུམ་པའི་འཆད་ཁྲིད་ཀྱི་བརྗོད་བྱ།

བོད་དང་རྒྱ་ནག་གི་ཁྲིམས་ལུགས་སྲོལ་རྒྱུན་རིག་གནས་དང་། ནང་ཆོས་ཀྱི་འདུལ་ཁྲིམས་སྐོར་གྱི་ཤེས་བྱ།