ཁྲིམས་དང་རང་དབང་། ཐོབ་ཐང་དང་འདྲ་མཉམ་སོགས་ཀྱི་ཁྲིམས་ལུགས་ཤེས་བྱ་ལ་ངེས་ཤེས་ཅུང་ཟད་ཡོད་པའི་ཐོག་ནས། ང་ཚོས་མི་རིགསཤིག་གི་ལས་དབང་གླེང་ཐུབ་པ་ཡིན། ད་གཟོད་བདེན་པ་བདེན་ཐོག་ཏུ་བསྐྱེལ་བར་ནུས་པ་དམིགས་བསལ་འདོན་ཐུབ་རྒྱུ་ཡིན་པ་མ་ཟད། གང་བརྩམས་ཧོལ་རྒྱུགས་སུ་མི་འགྲོ་བར་ཕན་པ་ཡིན། གནས་ལུགས་ཡོད་ན་གནས་ལུགས་བཤད་ཤེས་རྒྱུ་གལ་ཆེན་པོ་རེད། དེ་བས་བོད་ཀྱི་ཁྲིམས་ལུགས་ཐེབས་རྩས་བོད་མིའི་ཁྲིམས་ལུགས་ཤེས་བྱ་ཅུང་མཐོར་འདེགས་གཏོང་ཐུབ་པར་རེ་བས། རྒྱ་ནག་ཁྲིམས་ལུགས་བཤེས་གཉེན་ཞེས་པའི་འཆད་ཁྲིད་འདི་ཆེད་དུ་བཀོད་སྒྲིག་གནང་བ་མ་ཟད། འབྱུང་འགྱུར་གྱི་ལོ་ཟླ་ནང་། ང་ཚོས་བོད་མིའི་ཁྲིམས་ལུགས་སློབ་གྲྭ་ཞིག་་སྒོ་དབྱེ་ཐུབ་རྒྱུར་འབད་བརྩོན་ཧུར་ཐག་བྱེད་བཞིན་པའི་སྒང་ཡིན་པས། སྐུ་ཉིད་ཀྱི་རྒྱབ་སྐྱོར་དང་ཞལ་འདེབས་ནི་མ་འོངས་ལས་གཞི་འདི་དོན་སྨིན་འབྱུང་མིན་ཐད་རག་ངེས་ཅན་ལས་འདུག་ཕྱིན། མཁྱེན་པ་དང་ལྡན་པ་རྣམས་ཀྱིས་ཅིས་ཀྱང་རྒྱབ་སྐྱོར་དང་ཞལ་འདེབས་གནང་རོགས་ཞུ།།